Еліміз егемендік алғалы бері қоғамның барлық саласында  көптеген  жаңалықтар мен оң өзгерістер болып келеді. Солардың бірі білімнің сапасын арттыру мақсатында орта және жоғары білім беретін оқу орындарының ашылуы. Сонымен қатар, Елбасының бастамасымен қолға алынған «Болашақ» бағдарламасы. Осы бағдарламаның аясында көптеген жас түлектер әлемнің озық елдерінде білімдерін шыңдап, маман иесі атанып, қазіргі таңда маңызды қызметтердің тізгінін ұстап отыр.

Тәуелсіздік алған бірнеше жыл ішінде елімізде  білім саласында көптеген өзгерістер енгізілді. Әлі күнге дейін білім жүйесін мейлінше жоғары сапаға көтеру үшін озық елдердің тәжірибелері отандық жүйеге енгізілуде. Енгізіліп  жатқан жаңалықтар арқылы еліміздің ғылым мен білім саласында  оң нәтижелерге қол жеткізіліп жатқаны да баршаға аян.